Nadakpan sang mga katapo sang Mina PNP sa ginhiwat nga hot pursuit operation ang duha sa anum ka mga suspek nga naghold-up sa isa ka negosyante sang karne kahapon sang kaagahon sa banwa sang Mina, Iloilo .
Ginkilala ang nadakpan nga mga suspek nga sanday Alfie Defensor , legal ang pang-edaron sang Tolarucan, Mina kag si John Dave Lopez sang Barangay Bitauyan, Badiangan.
Una diri, ginlambatan sang anum ka mga suspek ang biktima nga negosyante samtang sakay ini sa motorsiklo kag ginpadulog dungan ang pagtaya sang armas luthang kag gindeklarar ang hold-up.
Nakuha sa biktima ang 88 mil pesos nga kuwarta kag ginpitkan pa sang 45 kalibre nga pistola sang isa sa mga suspek nga si John Dave Lopez apang masuwerte nga wala maglupok.
Sa karon, padayon pa nga ginapangita sang kapulisan ang nabilin nga apat ka suspek nga at large.
