Ginaganyat sang Iloilo Provincial Government ang mga doktor nga mag-apply sa District hospitals sa probinsya sang Iloilo agud maserbisyuhan ang pigado nga mga pumuluyo.
Suno kay Provincial Administrator Raul Banias nga ginakulang sang mga espeyalista nga doktor ang mga District hospitals bangud wala sang may naga-apply agud mag-trabaho.
Ginhatagan pagtamod ni Banias nga kon suweldo ang hambalan, indi man magnubo sa 45 tubtub 60 mil pesos ang bulanan sang mga doktor sa District hospitals magluwas pa sa Philhealth shares nga nagalab-ot man sa 40 tubtub 60 mil pesos tagsa ka bulan.
Ginapanan-aw ni Banias nga posible nagamayan ang mga doktor sang suweldo sa mga District hospitals kabangdanan nga wala sang luyag nga mag-apply.
Subong man, gin-athag ni P.A. Banias nga indi gamay ang suweldo sang mga doktor sa district hospitals kag may nagakaigo nga pondo para diri ang Provincial government.
