Duha sa tulo ka mga nagpositibo sa COVID-19 dinhi sa probinsya, nakarekober na

34

Pagadian City – Nakarekober na gikan sa Coronavirus Disease 2019 kon COVID-19 ang duha ka mga pasyente sa probinsya sa Zamboanga del Sur.


Kini ang gianunsyo sa Department of Health ug ZamboSur Task Force Covid 19 .
Ang mga pasyenteng nakarekober mao si Patient # 5 ( residente sa lungsod sa Labangan) ug Patient # 7 (kinsa lumulupyo sa Pagadian City).

Tungod niini, usa na lamang ang pasyenteng anaa sa isolation area sa Zamboanga del Sur Medical Center nga positibo sa nasangpit nga sakit ug mao kini ang gikan sa lungsod sa Dumalinao.

Gipaklaro ni Dr. Natz Cagampang, ang chief of hospital, nga anaa na sa stable nga kondisyon ang nasangpit nga pasyente nga usa ka 7-anyos nga batang lalaki.

Samtang, dose nalang ang Persons Under Investigation (PUIs) nga naka-isolate apan negatibo na ang lima kanila sa pinakaulahing test nga gipahigayon.
(Photo Credit to ZamboSur Task Force Covid 19)

Facebook Comments