Duha samaran sa managlahing pagpang luba

153

Padayon pang nagpaalim sa samad ang us aka biktima human gidunggab sa iyang kainom didto sa may Purok 2, Brgy. Oyan ,Sibutad.

Ang biktima mao si Joseph Casinory, 57 anyos samtang ang gitudlo nga responsible mao si Bienvenido Suico, 53 anyos, pulos kini sila residente sa mao nga lugar.


Kining biktima ug suspek nag inom kini sila, human nga mitublag ang bino nga gi inom, nagkalalis kini sila ug misangpot sa pagpanumbag sa biktima ngadto sa suspek.

Hinungdan nga daling mipa-uli ang suspek nga gisumbag ug nagkuha sa kutsilyo, didto dali nga mibalik ug iyang nasugat-an si Joseph, sa walay daghang pangutana gihansakan sa tiyang ug gilayong mipalayo sa lugar nahitaboan.

Sa gihimong pursuit operation nasikop ang suspek ug anaa na karon sa sulod sa bilangguan.

Samtang tungod sa ilimnong makahubog usa ang nalubaan didto sa may Brgy. Sitog, Katipunan, ZDN.

Sa nakuhang impormasyon sa katipunan PNP, kining biktima nga si Alfie Cabasag uban sa iyang pamilya nag inom kini didto mismo sa ilang pinuy-anan sa barangay Sitog.




Apan kalit lang miabot si Alfredo Ambos nga nagsamparay tungod kay naka inom na ug didto giduol sa biktima dayong hagit ug sumbagay pero nagdumili si Alfredo tungod kay iyang nakita nga alkansi siya.

Tuod mipauli kini, pagka taud-taod mibalik sa balay sa biktima nga armado na sa mahait nga kutsilyo.

Sa walay pagduha-duha iyang gi hansakan ug gibuhatan ug gripo sa kilid hinungdan sa pagkalandig sa balay tambalan.

sa karon anaa na sa prisohan ang suspek human mitahan sa iyang kaugalingon.

Facebook Comments