General Santos City–Malampusong nasikop sa mga personahe sa City Police Drug Enforcement Unit (CDEU) ang duha ka mga tao nga lambigit sa pagpamaligya ug iligal nga druga alas 4:00 pasado sa hapon nga gipahigayon sa Laurel Street, Barangay Dadiangas North ning syudad human nga mikagat kini sa gipahigayong buy-bust operation sa maong unit.
Ang mga suspect ang giila nga silang Alfie Magallanes, 38 anyos nga nanimuyo sa Susana Homes, Barangay Lagao ug Brandon Escolin, 39 anyos nga nanimuyo sa Purok Panaghiusa, Barangay Dadiang South nga nakuhaan ug duha ka mga sachet sa gituohang shabu ug 500 pesos nga mark money.
Sumala pa ni Police Major Tirso Pascual ang hepe sa CPDEU nga nalakip sa ilahang watch list ang mga nasangpit nga suspect kung asa dugay na matud pa nila kini ginapahigayunan ug operasyon apan idlas matud pa kaayu.
Dugang pa niini nga gikan lang sa syudad sa Gensan ang mga shabu nga ginabaligya sa mga nasangpit kung diin ginasuta pa sa kapulisan kung kinsa ang source sa mga nahisgutan aron usab sa mga musunod nga operasyon. (Dave Silagan)
