Davao City – Nabalaka karon ang Barangay Captain sa Barangay Bago Aplaya ning syudad karon nga ubos na sa Modified General Community Quarantine (MGCQ) ang dakbayan kay malagmit mosaka na unya ang kaso sa COVID-19.
Sumala ni Brgy. Capt. Isidro Dujali Jr., kini nga panahon lagmit mo-relax kun makalimot na unya ang mga tawo sa pagsunod sa mga health protocols kun minimum health standards sama sa pagsul-ob og face mask, social distancing ug uban pa tungod kay nakita niya sa GCQ nga dili tanan nagsunod niini nga guidelines.
Matud ni Dujali, ang iyang lugar gipalibutan pa gayud sa mga barangay nga anaa sa ‘High Risk Assessment Category’ gani dili niya buot nga masudlan kini sa mga tawo nga gikan sa mga dapit nga taas ang kaso sa maong balatian.
RadyoMaN Bernard Pantallon
