Tria: Ekonomiya hinay-hinay niayo

25

Davao City – Gisugilon karon sa usaka opisyal sa Davao City Chamber of Commerce and Industry Incorporated (DCCCII) nga naapektuhan gayud ang ekonomiya sa Davao City tungod sa COVID-19 pandemic.

Matud ni DCCCII President John Tria, nibalik na og saka ang ekonomiya sa syudad niadto pang May 2020 human nakabalik sa operasyon ang pipila ka industriya sa rehiyon.


Kahinumduman nga gibakwi sa kagamhanan ang Enhanced Community Quarantine (ECQ) ug gipailawom sa General Community Quarantine (GCQ) ang pipila ka lugar sa nasud diin nikunhod ang mga COVID cases.

Nagdumili na og detalye si Tria kung unsa kalapad kon kadaku ang lugi sa mga negosyante ug sa ekonomiya dinhi sa dakbayan ning kapin duha ka bulan nga gipaubos sa ECQ ang atong dapit.

Segun ni Tria, karon pang December makita nila ang kinatibuk-ang lugi sa ekonomiya ilabi pa nga angay konsiderahon sa kalkulasyon ang mga industriya nga nibalik na sa ilang operasyon karong mga panahona.

Ning labing ulahi, gipailawom na sa Malacañang ang Davao City ug pipila ka mga lalawigan sa Davao Region ubos sa Modified General Community Quarantine (MGCQ) sugod July 1 ngadto sa July 15.

RadyoMaN Joel Viray




Facebook Comments