Davao City – Daghan na nga mga Barangay sa Davao Region ang nagsumite sa ilang rekisitos ngadto sa Philippine Drug Enforcement Agency (PDEA-XI) aron nga ipailawom sa drug-cleared ang ilang Barangay.
Sa interbyu sa DXDC RMN Davao kang Noli Dimaandal, ang tigpamaba sa PDEA-XI, gibutyag niini nga karong tuig 2025 aduna nay 987 ka Barangay sa Rehiyon Onse ang gideklarang drug-cleared Barangay.
Segun ni Dimaandal nga karong katapusan sa bulan sa Septembre 2025, posibleng dunay dugang Barangay ang madeklarang drug-cleared.
Gipasabot sa opisyal nga suportado sa mga Barangay Official ang maong programa ug daghan ang nagsumite sa ilang requirements.
Ang mga Barangay nga gideklarang drug-cleared sa siyudad adunay 107 ka Barangay, 206 sa Davao del Sur, 182 sa Davao del Norte, 175 sa Davao Occidental ug 215 sa Davao de Oro.
RadyoMaN Don Pulayao
Facebook Comments
