Dul-an 200 road accidents sa Davao natala sulod sa usa ka semana

34

Davao City – Nakatala karon ang Davao City Police Office (DCPO)-Traffic Group (TG) og dul-an 200 ka mga aksidente sa kadalanan sulod lamang sa usa ka semana.

Sumala ni Police Lieutenant Colonel Nolan Raquid sa DCPO-TG nga sa 179 nga natalang aksidente, 11 niini ang patay ug 78 ang injured diin walo niini ang grabeng nadangatan.


Kahinundoman nga niadtong Setyembre 10 nahitabo ang bangga sa Barangay Binugao, Toril, Davao City nga gikalambigitan sa bus ug wing van diin upat ka tawo ang kumpirmadong patay samtang laing 15 ang gipangdala sa balay tambalanan.

Laing upat ka indibidwal usab ang patay niadtong Setyembre 11 human maaksidente sa diversion road ang usa ka truck nga kargado og contruction materials.

Kanunay pahimangno sa awtoridad ngadto sa publiko nga magmaigmaton, ilabi na ang mga motorista, ingon man mosunod sa balaud-trapiko aron malikay ang posibleng aksidente sa kadalanan.

Subay niini, laing bangga ang miulbo sa Catalunan Pequeño ning syudad kaganihang buntag diin duha ka motorsiklo ang nalambigit.

Sa inisyal nga impormasyon, usa matud pa ang nabalian og tiil.

RadyoMaN Jason Amisola

Facebook Comments

From Advertisers