Iligan City – Mitunol ug mga tsenilas ang Iligan Light and Power Incorporated o ILPI alang sa mga piniriso sulod sa Bureau of Jail Management and Penology o BJMP.
Dul-an sat res syentos (300) ka tsenilas ang gihatag sa ILPI ngadto mismo sa kadagkuan sa BJMP.
Gumikan sa nagdapayon nga pandemic sa Covid 19, ug kabahin usab sa health protocol sa BJMP, wala na gitugot sa kadagkuan sa BJMP nga ang mga personahe sa ILPI na ang mo-distribute niini ngadto sa mga piniriso.
Mapasalamaton ang kadagku-an sa BJMP nga midawat sa maong mga tsenilas tungod mailisan naman unya ang daan na usab kaayong mga tsenilas sa ilang mga piniriso.
Kabahin ang maong kalihukan sa ILPI alang sa ilang corporate social responsibility o CSR isip pagbalos ngadto sa komunidad gikan sa maayong dagan sa ilang kompanya sa kuryente.(Ghiner L. Cabanday, RMN Iligan)
