Samal resort capacity giubsan

Davao City – Gikan sa 75% gipaubos ngadto sa 60% ang capacity sa mga resort sa Island Garden City of Samal (IGaCoS), Davao del Norte epektibo sugod kagahapong adlawa, Abril 15 hangtud Abril 30, 2021.

Matud ni IGaCoS Mayor Al David Uy, sa interbyu sa city-owned radio, nga kini human nga naobserbahan ang pagtaas sa kaso sa Coronavirus Disease 2019 (COVID-19) sa isla diin usa ang mga dagsa sa tao sa mga hinungdan niini.

“Mao bitaw nga medyo nagkataas-taas man gud (ang cases). So, gi-adjust nato gamay ang atong resort capacity from 75%, gihimo natong 60% usa ang i-cater nila. Tan-awon nato kay kung makaloy-an sa Ginoo, medyo mugwapo-gwapo (ang sitwasyon), ibalik napud nato og 75,” segun ni Uy.


Gibutyag sa Alkalde nga nagpadayon karon ang ginapahigayon nga community surveillance testing sa syudad diin iapil usab niini ang mga trabahante sa resorts aron masigurong sila luwas sa COVID-19.

Gipasabot sa IGaCoS Mayor nga ilang gipaningkamotan nga mabalanse ang sitwasyon pinaagi sa pagpabiling abri sa ekonomiya ug pagsigurong luwas ang publiko batok sa maong balatian.

RadyoMaN Kirby Manzon

Facebook Comments