Sa report niadtong Disyembre 22, 2025, mikabat sa 29,178 ka pasahero ang malampusong na-monitor ug naalalayan sa CGDSEM sa nagkalain-laing pantalan sa Southeastern Mindanao. Lakip usab sa mga operasyon ang 68 ka barko ug 170 ka motorized banca (MBCA) nga giinspeksyon aron masiguro ang kaluwasan sa mga sakayan.
Dugang pa, 12,431 ka rolling cargoes ang natalang naserbisyuhan sa implementasyon sa maong operasyon, isip kabahin sa paningkamot sa Coast Guard nga masiguro ang hapsay, luwas, ug episyenteng pagbiyahe sa mga pasahero ug kargamento.
Gina-awhag sa CGDSEM ang publiko nga magpabiling mabinantayon. Alang sa mga emerhensya, reklamo, o kabalaka, mahimong makontak ang Coast Guard District Southeastern Mindanao pinaagi sa emergency hotline: 0953-280-8096.
RadyoMaN Kareen Beltran
