Davao City — Subling nagpahimangno si SFO4 Ramil Gillado, Chief Intillegence Investigation Section sa Central Fire Station, ngadto sa mga Dabawenyos nga magbinantayon aron malikayan ang sunog ilabi na sa pagselebrar sa Pasko ug pagsugat sa bag-ong tuig.
Segun ni Gillado, karong tuiga 2022 gikan sa bulan sa Enero hangtud Nobyembre nakatala ang Bureau Of Fire Protection og 393 ka insidente sa sunog partikular sa syudad sa Davao diin sagad hinungdan sa sunog electrical ignition ug mokantidad sa P59, 815, 300.00 ang danyos niini.
Gipasabot ni Gillado, angayan nga mag doble igmat ilabi na sa panahon sa Christmas season kinahanglan bantayan ang mga gipangluto ug seguraduhon palungon ang kalayo una kini biyaan aron malikayan ang sunog.
“Ang atong mga electrical appliances dili nato pasagdahan, i-unplug nato especially nga matulog ta or mobiya ta sa atong panimalay og moadto ta sa mga party,” segun niini.
RadyoMaN Don Pulayao
Facebook Comments
