Davao City – Dul-an 500 ka mga illegal parkers ang naisyuhan og citation tickets sa City Transport and Traffic Management Office kun CTTMO sukad niadtong bulan sa Enero hangtod sa bulan Marso ning tuiga.
Sumala ni Joan Cabali, ang Strategic Intillegence Assistant sa CTTMO nga mas gipakusgan ang operasyon karon lakip na ang pagpanguha sa mga signages sa kadalanan nga walay permit.
Niadtong miaging adlaw, upat ka signages ang gipangkuha sa kadalanan, 29 ang naisyuhan og citation tickets, usa sa illegal parking, duha ang obstruction ug lima ka mga sakyanan ang na-tow sa mga personahe sa nasangpit nga buhatan.
Tungod niini, subling nagpahinumdom si CTTMO Chief Dionisio Abude sa tanang drivers nga mutuman sa mga balaod-trapiko sa syudad.
RadyoMaN Don Pulayao
