Davao City – Dol-an 5,000 ka indibidwal sa syudad sa Davao ang napailawom na sa community surveillance batok Coronavirus Disease 2019 (COVID-19) partikular na kadtong mga sidewalk vendors sa downtown area sa dakbayan sa Davao.
Matud ni Dr. Ashley Lopez, City Health Office (CHO) head sa interview sa city-owned radio, sa April 19, 2021 anaa sa 4,577 ang napailawom sa swab diin sa maong ihap, 57 lamang niini ang nagpositibo sa COVID-19, apan padayon gihapon ang gihimong surveillance swabbing bisan sa ubang mga establisemento.
“It does not only involve markets or vendors or sa mga dagkong lugar or mga populated nga lugar, but also naa ‘tay gi-tap nga mga work places, mga BPOs, mga bangko, naa ‘tay mga companies,” segun ni Lopez.
Samtang, kapin 300 ka mga sidewalk vendors sa San Pedro Street ug City Hall Drive, ang gipailawom sa COVID-19 RT-PCR test sa Quezon Park niadtong Lunes (April 19, 2021) ug gikalipay ni Lopez nga walay nagpositibo.
Gibutyag sa CHO head, tungod kay boluntaryo ang swabbing, adunay 27 usab ka tawo ang midumili magpa-test apan ila gihapong gipasabot ug gi-edukar sa importansya sa swab test.
RadyoMaN Kirby Manzon
