Davao City – Mokabat sa 700 ka mga indibidwal ang nag-evacuate sa ilang tagsa-tagsa ka mga panimalay atol sa makusog nga busdak sa ulan kagahapong adlawa diin miresulta sa grabe nga pagbaha.
Sa interbyu sa DXDC RMN Davao News team sa Office of the Civil Defense 11 (OCD-XI), ginganlan niini ang mga lugar sa dakbayan nga dakong apektado sa pagbaha diin gipadal-an usab nila og rescue teams lakip usab food trucks.
“Ang maong ma lugar mao ang Brgy. Ubalde, Brgy. Sasa, Brgy. Aliongto, Brgy. Buhangin ug Brgy. Panacan,” segun niini.
Sumala ni Archie Reyes sa OCD-XI, walay natala ang ilang buhatan nga naangol ingon man damyos sa mga imprastraktura sa maong mga lugar.
Gani karong adlawa, luwas ug nakabalik na ang mga residente nga nag-evacuate sa ilang tagsa-tagsa ka mga panimalay.
RadyoMaN Jason Amisola
