Davao City – Gipasidunggan ni Davao City Police Office head Police Col Alexander Tagum ang 788 mga bag-ong na-promote nga mga Police Non-Commissioned officers (PNCOS).
Nanumpa ang mga pulis kinsa nisaka na ang mga ranggo atol sa donning and pinning of ranks sa DCPO parade grounds.
Gibutyag ni Tagum mga angayan ang maong mga pulis nga i-promotar tungod usab sa ilahang kakugi ug pagkamatinud-non sa ilahang tahas diha sa pag-secure sa atong syudad.
Dako ang nahimong kontribusyon sa mga lig-on ug mga disiplinadong kapulisan sa Davao hinungdan nga nakuha sa DCPO ang National Award for Best City Police Office of the Year ug Best City Mobile Force of the year.
Girekomendar ni Tagum nga tagaan usab niya og Medalya ng Papuri ang tanang mga pulis nga nisakripisyo aron nga magmalampuson ang ikaduhang tuig sa Alveo Ironman 70.3 nga gipahigayon dinhi sa syudad.
RadyoMaN Aimee Guinita
