Dul-an P1.5 milyon ilegal nga pabuto nasakmit

37

Dul-an sa P1.5 milyon nga balor sa mga ilegal nga pabuto ang nasakmit sa Police Regional Office sukad gilusad ang “Oplan Iwas Paputok” sa niaging pasko .
Matud ni Police Brigadier General Ildebrandi Usana, deputy director for administration sa PRO-7 ilang mas gihingusgan ang pagsakmit sa mga ilegal nga pabuto samtang pipila ka oras na lang ang gipaabot ug sugaton na ang bag-ong tuig .
Ang mga nasakmit nga pabuto tungod kay lakip sa gidili sa PNP , nagagikan dinhi sa dakbayan sa Sugbo ug gibaligya gawas sa giila nga firecracker zone nga anaa sa South Road Properties kon SRP.
Ang PNP adunay gidili nga mga matang sa pabuto sama sa piccolo , watusi nga kuyaw matulon, giant whistlebomb, giant bawang, super lolo , atomic bomb ,goodbye Earth, goodbye Philippines ug ubang dagku nga mga pabuto .

Facebook Comments