Gibana-gibanang mukabat sa PHP461,088 nga kantidad sa gituohang drogang shabu nga mitimbang og 67.8 gramos ang nakompiska sa mga kapulisan atol sa gipahigayong Joint Police Buy-bust Operation adtong milabayng Sabado didto sa Purok-10, Brgy. Lilingayon, Valencia City, Bukidnon.
Miresulta usab ang maong operasyon nga gipahigayon sa mga personahe sa Valencia City Police Station inubanan sa 1st ug 2nd Bukidnon Police Mobile Force Company (PMFC), 1003rd Military Company Regional Mobile Force Brigade (RMFB)-10 sa pagkasikop sa upat (4) ka mga drug personalities.
Klase-klase usab nga mga drug paraphernalias ang nakompiska ug layong giturn-over sa Provincial Crime Laboratory Office lakip ang mga nakompiskang droga alang sa dugang eksiminasyon.
Samtang gibalhog na ang mga suspetsadong nadakpan sa Valencia City Police Station alang sa tokmang disposasyon.
