Kumalarang, Zamboanga del Sur – Padayon pa nga giila sa kapulisan mga suspetsado nga responsable sa pagsunog sa usa ka unit sa Dump Truck alas 3:00 kagahapon sa kadlawon sa Purok 8, Barangay Poblacion, Lakewood, Zamboanga del Sur.
Sa inisyal nga imbestigasyon nasayran nga gibayaan sa maong dapit ang nahisgutan nga dumptruck human kining nalambigit nga aksidente sa kadalanan niadtong bulan sa oktobre sa nakalabay nga tuig.
Base sa impormasyon nga nahipos sa RMN DXPR Newsteam, kargado sa graba ang maong dump truck nga nagbyahe gikan sa lungsod sa Bayog paingon sa Lakewood apan aksidente nabangga sa kurbada nga bahin dihang nawad-an sa preno.
Naglusad na sa makauti nga pagsuta ang mga imbestigador sa Lakewood Municipal Police Station alang sa posible nga pag-ila sa nihimo mga suspetsado nga nidab-dab sa maong dump truck.
