General Santos City–Nasikop sa mga personahe sa Alabel Police Station ang usa ka Reylan Mad, 34 anyos, lumulopyo sa Barangay Alegria sa maong munisipyo sa pagpanguna ni Police Senior Inspector Benjie Ancheta, labaw sa maong buhatan.
Kahibaluan nga bandang ala 1:00 sa hapon una nang gipatuman sa kapulisan sa mismong pinuy-anan sa nahisgutan ang warrant of arrest batok na ngadto kang Mad.
Ang pagdakop sa suspek, Pinasikad sa kamanduan ni Hon Judges Jordan Reyes sa Sarangani Prosecutors Office kasong kalapasan sa R.A. 9262 (VAWC) nga dunay criminal case number 5401-14.
Sa karon ang nasangpit pabilin sa kustudiya sa Alabel Municipal Police Station samtang mamahimo lang niining maangkon ang temporaryong kagawasan higayon nga kini makapyansa ug P12,000.00. (Ray Sabillo)
