Dunay problema sa pangutok, gipatay sa igsoon

Pagadian City, Zamboanga del Sur————Nagtingkagol sa prisuhan ang usa ka 29-anyos nga lalaki nga miunay pagpatay sa iyang igsoon human boluntaryong nitahan sa kapulisan sa lungsod sa Aurora, Zamboanga del Sur .
Giila ang suspek nga si Eric Beduya, residente sa Purok San Juan, Brgy. Waterfall lungsod sa Aurora.Sa report nga nadawat sa RMN-DXPR Pagadian gikan sa Aurora PNP, gipatay ni Eric ang iyang igsoon nga dunay problema sa pangisip nga giila sa pangalang Espirato Beduya Jr., 23 anyos lumulupyo sa susamang lugar.
Sa imbestigasyon nasayran nga unang nihagit og away ang biktima nga may dalang kahoy dayon atake ngadto sa suspek, natunong usab nga lango sa ilimnon nga makahubog ang suspek rason nga nahagit kini , diha-diha gipusil sa suspek ang iyang igsoon gamit ang caliber 38 revolver nga nisangko sa kamatayon sa biktima.
Ang suspek nagbakho nga nisulod sa bilanggoan dala sa tumang kasubo og pagmahay. (Kenneth Alvin Bustamante/dxpr News team)

Facebook Comments