General Santos City–Nagtingkagol sa silda sa Police Station 6 ang usa ka Francis Payas Ventures, 28 anyos, nga nanimuyo sa Santiago Subdivision, Barangay Bula ning syudad human nga gi-serve kaniya ang iyahang warrant of arrest sa kaso nga robbery nga gipakanaug ni Hon. Judge Renato Tampak sa RTC Branch 59 niadtong July 16, 2019.
Nasikop ang nasangpit nga suspect ala 1:30 ang takna sa kaadlawon sulod mismo sa opisina sa Police Station 6.
Sumala pa nga una nang nag-away ang nahisgutang suspect sa iyahang igsuon sa ilahang panimalay hinungdan nga parihas sila nga gidala sa Police Station 6:00 sa buntag aron nga husayon apan sa dihang anaa na sa estasyon sa kapulisan nasayran nga adunay diay standing warrant of arrest ang suspek hinungdan nga gilayon kining gisikop.
Sa kasamtangan nagpaabot nalang ang kapulisan nga magpakanaog ug commitment order ang korte aron nga mabalhin kini sa Gensamn Reformatory Center.(Dave Silagan)
