General Santos City–Gipaabot nalang sa Police Station 6 nga magpakana-ogan ug commitment order ang korte aron nga gilayon nilang mabalhin sa Gensan Reformatory Center ang ilahang dinakpan nga si Daniel Ambi Mamaso, 18 anyus nga nanimuyo sa Prk. Islam, Barangay Dadiangas South ning syudad human masikop kini sa gipahigayung operasyon sa personahe sa Police Station 6.
Sumala pa ni Police Lieutenant Francisco Alfeche ang officer in-charge sa Police Station 6 nga dugay na nga ginapangita sa kapulisan ang nahisgutang suspect kung asa gipakanaugan kini ug warrant of arrest sa sala ni Hon. Judge Jose Blanza Jr. sa RTC Br. 22 sa kaso nga frustrated murder nga adunay girekomendang pyansa nga P120,000.00.
Dugang pa niini nga nakakuha matud pa sila ug impormasyon nga anaa nag laroy-laroy sa National Highway Brgy. Dadiangas East hinungdan nga gilayung gi-operasyonan ug gi-serve kaniya ang iyahang warrant of arrest..
Sa kasamtangan gikustudiya kini sa selda sa Police Station 6. (Dave Silagan)
