General Santos City—Samdan ang usa ka bana human nga nadunggaban sa iyang asawa dihang nga sila naglalis sa ilang panimalay sa may Purok 11, Lanton, Barangay apopong ning dakbayan alas 5:45 ang takna sa hapon sa nakalabayng adlaw.
Biktima giilang si Roger Swerte , 42 anyos, panday ug residenti sa maong lugar. Subay sa sumbong sa biktima ngadto sa kapulisan nga sila naglalis sa iyang asawa nga si Cherylyn.
Wala kabantay ang biktima nga duna diay gigunitang kutsilyo ang iyang asawa kansa maoy gidunggab kaniya. Nakaangkon kini ug samad sa iyang abaga nga bahin human sa pagpanunggab.
Paspas man nga gidala sa ospital ang biktima, samtang luwas na kini sa kuyaw nga kahimtang tungod dili man grabe ang samad niyang naangkon. Sa karon padayon ang imbistigasyon sa kapulisan kalabutan sa insidenti.
