General Santos City–Anaa karon sa talandugon nga kahimtang sa usa ka Construction worker human gidunggab sa iyang kainum sa may Roca Subdivision, Barangay Apopong, Gensan.
Giila ang biktima nga si Janjan Palay, 26, residenti sa Purok Cabuay, Barangay Sinawal, Gensan. Samtang ang suspek giilang si Boyet Caniesa, Wilder, residenti sa Davao City.
Sa inisyal nga imbistigasyon sa Police Station 2, nasuta nga human ug trabaho, nag inum ang biktima ug ang suspek uban sa uban pa nilang kaubanan sa trabaho, apan alas 2:30 ang takna sa kabuntagon dihang nangahubog na ang mga nasangpit naglalis ang biktima ug ang suspek nga misangko sa pagpanunggab.
Upat ka mga samad sa nagkandaiyang parti sa lawas ang naangkon sa biktima kansa daling gidala sa Diagans Hospital, kasamtangang giatiman sa iyang attending physician. Samtang ang suspek paspas nga misibat human sa insidenti.
