Tungod sa climate change nga masinati nato karong panahona mahinungdanon nga dili na seasonal ang pagpangandam sa publiko batok sa sakit nga dengue apan kinahanglan sa tibuok tuig.
Mao kini ang gipadayag ni Department of Health Secretary Francisco Duque III atol sa pakig dayalogo niini sa mga ginikanan kinsa nabakunahan ang ilang mga anak sa Dengvaxia sa Pampanga City karon lang buntag.
Matod pa niya kinahanglan kanunay ang pagpangandam sa mga ginikanan ilabi na kung nakitaan na og sintomas ang ilang mga anak nga aduna kini dengue.
Dugang pa niya nakitaan lamang sa awtoridad nga adunay dautang epekto ang maong bakuna sa mga kabatan onan nga wala pa nagkasakit og dengue, apan iyang gitino nga mas maayo nga kanunay ang pagpangandam sa publiko batok niini nga sakit.
Kalabot sa Dengvaxia controversy, miingon si Duque nga nakasiguro kini nga dili buot sa mga government officials nga na involve niini nga muhatag og disgrasya kon peligro ngadto sa mga bakunahan.
“Sa tingin ko po nabigyan ng maling abiso ang dating pangulo, minadali eto at alam po natin ay masyado ng malapit sa halalan nung 2016”
Gitino ni Duque nga hangtod karon wala pa nahuman ang imbestigasyon kalabot sa maong bakuna.
“I’m waiting for further evidence to declare Dengvaxia is a vaccine failure. ” segun sa director.
RadyoMaN Abi Bibera
