Davao City- Adunay katungod ang lokal nga panggamhanan sa Davao City nga ipursiger ang localized peace talks samtang kanselado pa ang national level peace talks.
Matud ni Presidential Peace Adviser Sec. Jesus Dureza nga kung kini maoy pamaagi aron atubanon ang suliran dala sa mga armed groups dinhi sa syudad, prerogative kini sa local government ilabi na kun sa tan-aw ni Davao City Mayor Sara Duterte-Carpio mas epektibo sila sa pagresolba niini.
“Localized peace talks are something that can be done and should be done by the local government, if they wish and if they want. And Mayor Sara Duterte already had started this, nag-issue na nga siya ng administrative order and she even organized the panel,” sumala ni Dureza.
Apan matud ni Dureza nga ang Office of The Presidential Adviser on the Peace Process kun OPAPP dili na sila mangilabot sa ipursiger nga localized peace talks mientras padayon pa ang ilang kaugalingong negosasyon negosasyon ngadto sa mga national rebel leaders kinsa posible usab nga dili muuyon sa localized peace talks.
“As far as OPAPP is concerned, we have to negotiate in another level and we cannot support and be part of something that is there on the ground while we are also talking with their leaders who may not agreed with localized peace talks,” matud ni Dureza.
Gidugang ni Dureza nga samtang kanselado ang peace talks, mamahimong ipadayon ang pagpatuman sa Comprehensive Agreement on Respect for Human Rights and International Humanitarian Law (CARHRIHL) nga pirmado na niadtong 1998.
Kun mahibalik ang peace talks tutukan sa duha ka mga panels ang Comprehensive Agreement on Socio Economic Reforms (CASER) nga gipailawom na sa upat ka mga exploratory discussions una pa na kansela ang peace talks.
Sa tanyag ni Presidente Duterte nga general amnesty alang sa mga NPA nga buot mubalik sa gobyerno, nagtuo si Dureza nga anaa sa kamot sa presidente ang pagdesider niini bisan pa man kun sukwahi ang baruganan sa rebeldeng pundok.
Kahinumduman nga gi-offer sa presidente ang general amnesty apan gibalibaran sa mga NDFP sa katarungan nga nakasupak kini sa unang mga kasabutan diin ang pagbalik sa sabakan sa gobyerno resulta kini sa malampuson nga kasabutan.
RadyoMan Aimee Guinita
