Davao City – Gihagit karon sa kilusang Magbubukid ng Pilipinas-Southern Mindanao Region (KMP-SMR) si Pres. Rodrigo Duterte nga magpagawas ug orden nga bungkagon ang mga rice cartel sa nasud kana kung seryoso siya nga mawagtang kini.
Sumala ni Tony Salubre, KMP-SMR Chairman, usa sa nagpataas sa presyo karon sa bugas mao kining presensya sa rice cartel nga hangtud karon, dili mawagtang sukad pa kaniadto sanglit gilangkuban kini sa mga dagkung negosyante sa nasud.
Matud ni Salubre, angayan nga dili lamang kutob sa generic nga pahimangno ang pangulo kon dili mohimo gayud ug bug-at nga aksyon batok niining hut-ong sa mga rice traders kinsa maoy nagdikta sa rice supply aron dikatahan usab ang presyo sa maong commodity.
Dugang ni Salubre, gikinahanglan nga ang gobyerno mao gayuy mokontrolar sa presyo sa bugas ug dili ang sektor sa mga negosyante.
RadyoMaN Bernard Pantallon
