Gikalipay ni Pres. Rodrigo Duterte ang pag-uyon sa tanang mga ASEAN world leaders nga i-montar ang usaka ‘landmark agreement’ nga magprotehir sa interes sa mga Overseas Filipino Workers (OFW) ug uban pang mga nationals sa mga nasud ilawom sa regional setup.
Sa iyang mensahe atol sa plenary sa 31st ASEAN Summit, gihulagway sa pamuno-nasud, kinsa mao usab ang ‘rotating chair’ karong tuiga sa regional body nga ang maong migrant workers agreement magseguro sa seguridad sa mga trabahanteng nilangyaw sa ubang kanasuran, humane treatment panahon nga sila makasugata ug mga suliran sa panarbaho, food security ug uban pang related concerns.
Sa pikas bahin, gilauman usab nga atol sa bilateral, one-on-one talks nila ni US Pres. Donald Trump ug ni Duterte karong hapon, daku ang purohan nga mahisgotan ang nagpadayong tensyon diha sa Korean Peninsula gumikan sa init nga mga deklarasyon kun ‘fiery rhetorics’ nila ni Trump ug ni North Korean dictator Kim Jong-un sa isyung paggamit sa nuclear weapons.
RadyoMan June Duterte
