Atol sa iyang paghiduaw sa Republic of India,nagpasidaan si Pres. Rodrigo Duterte ngadto sa mga negosyanteng Hindu nga likayan usa ang Mindanao mientras gipatuman pa ang martial law.
Segun sa pamuno-nasud,kini gumikan sa nagpadayong hulga sa seguridad gumikan sa threats sa posibleng kidnapping, carnapping ug uban pa.
Gipasalig hinoon sa presidente nga luwas ang tanang mga dumuduong sa syudad sa Davao.
Ang pangulo mahibalik dinhi sa Davao karong gabii gikan sa India una pa kini molahos ngadto sa lalawigan sa Albay aron susihon ang kahimtang sa kapin 70 mil na ka nga tawong ni-evacuar gumikan sa pagbusikad ni bulkang Mayon.
Karong adlawa lamang, upat ka beses nga nipabuhagay ug lava,abog ug aso ang pinaka-aktibong bulkan sa Pilipinas.
Ang Mt. Mayon apil sa mga bulkan nga anaa sa gitawag nga ‘Pacific Ring of Fire.’
RadyoMaN June Duterte
