Davao City – Gikatakdang pangulohan mismo ni Pres. Rodrigo Duterte ang formal launching sa ‘Biyaya ng Pagbabago Tungo sa Masagana at Matiwasay na Buhay Pilipino’ kun ‘Biyaya ng Pagbabago’ program sa presenteng administrasyon.
Mga tinubdan sa Office of the Cabinet Secretary (OCS) nagtug-an nga uban sa partnership sa 12 ka mga national government agencies ilawom sa Office of the President inabagan sa ‘Kilusang Pagbabago’ maoy nag-initiate sa “Biyaya ng Pagbabago’ kansang primer nga tumong mao ang pagtunol ug mas maayong kahimtang-panginabuhian alang sa tanang mga Pilipino.
Ang programa nagsugod pinaagi sa usaka “Biyaya ng Pagbabago” Caravan sa Malacañang diin ang aktibidad molanat ug December 1-9 sa pinili nga mga dapit sa entero nasud.
Ang nationwide caravan manukad didto sa Luzon sa may Ifugao lahos ngadto sa Nueva Vizcaya, Pangasinan, Bulacan, Parañaque, Cavite, Batangas, Quezon, Marinduque ug Camarines Sur.
Human niini, mga ‘selected participants’ molargo paingon sa Northern Samar, Tacloban, Ormoc ug Cebu City sa Visayas ingon man ngadto sa Cagayan de Oro ug Bukidnon denhe sa Mindanao.
Ang caravan matapos denhe sa Davao City nga maoy hometown sa presidente karong December 9 diin mismong ang pamuno-nasud maoy mangulo sa grand launching event sa may Freedom Park.
RadyoMaN June Duterte
