Kumpirmado karon sa palasyo sa Malacañang nga si Pres. Rodrigo Duterte personal nga mangulo sa ipahigayon nga Command Conference sa National Disaster Risk Reduction and Management Council (NDRRMC) kalabot sa nagsingabot nga emerhensiyang malagmit ihatud ni Bagyong Ompong.
Sa nagpadayon karon nga news conference sa DOST PAGASA, kumpirmado ang forecast information nga ang Western Visayas ug Mindanao daku ang purohan nga ulanon og maayo gumikan sa presensiya sa southwest monsoon kun hanging habagat nga magdala ug makusog nga bul-og sa tubig-ulan.
Magpagula usab og Storm Surge Watch ang state weather bureau aron magsilbing giya ngadto sa mga residente nga nanimuyo sa daplin sa kabaybayunan ug kadagatan kinsa mamahimong lampornason sa pagsaka sa tubig.
RadyoMaN June Duterte
