Pagapangulohan mismo ni Pres. Rodrigo Duterte ang ipahigayon nga Joint Armed Forces of the Philippines ug Philippine National Police (AFP-PNP) Command Conference sa palasyo sa Malacañang karong adlawa.
Salmotan usab kini sa mga kadagkuan sa iyang gabinete ilabi na ang mga kalihim sa defense ug national security departments ug mga miyembro sa National Security Council (NSC) ingon man sa uban pang line agencies sa gobyerno.
Gi-ekspektar nga madiskutihan mao ang overall peace and security status karon sa nasud taliwala sa daghanang mga kabalaka sa gihukad nga ‘Oplan Red October’ sa mga Duterte critics ug sa ilang mga kaalyados diha sa political opposition ingon man sa hut-ong sa mga rebeldeng pundok nga padayong nakiggyera sa gobyerno.
Usab gilauman nga madiskutihan ang mga preparasyon alang sa 2019 Midterm Elections kansang filing sa mga Certificates of Candidacy pagabuksan na karong Octobe 11 ngadto sa 17 ning tuiga.
RadyoMaN June Duterte
