Davao City- Kaaway na ang pagtan-aw ni Presidente Rodrigo Duterte ngadto sa kanhi niyang magtutudlo ug founding Chairman sa CPP-NPA-NDF nga si Professor Jose Maria Sison kinsa nagpahayahay sa nasud Netherland uban sa iyang asawa ug uban pang mga lider sa komunistang grupo.
Gikanayon ni Pangulong Duterte nga sukad gimando niini ang pag-undang sa hinabing pangkalinaw lakip na ang backchanneling talks giila na kontra sa estado ang CPP-NPA-NDF.
Gipalanog sa nasudnong-pamuno ang iyang kasuko batok sa mga komunista atubangan sa mga delegado sa duha ka adlaw nga Davao Investment Conference nga gipahigayon sa SMX Convention sa may Lanang ning syudad.
Dungan sa pagpahunong sa peace-talk, sunod girahon human sa Marawi siege mao ang mga komunista nga padayon naglusad og atake sa komunidad, kompanya, kasundaluhan ug military.
Nanganti si Pangulong Duterte nga hingpit na niini gisirad-an ang pultahan sa hinabing pangkalinaw.
Nag-ugat ang kapungot ni Presidente Duterte tungod sa walay hunong nga atake nga ginahimo sa mga NPA batok sa mga sundalo, mga pulis, mga sibilyan, ug pagsunog sa mga kompanya samtang dunay hinabing pangkalinaw.
Kasamang Joel Viray
