Gipanganti karon ni Pres. Rodrigo Duterte atubangan sa international community nga desidido ang iyang administrasyon nga mokuyog sa developing global sector sa mosunod nga mga katuigan.
Sa iyang diskurso sa Boao Forum for Asia 2018 sa Hainan, Peoples Republic of China, gisaad ni Duterte nga ang nasud isip ASEAN Chair nagtumong karon sa pagpalig-on pa’g maayo sa mga oportunidad sa ASEAN Region.
“With China, we stand together shoulder-to-shoulder in the war versus criminality, illegal drug trade, terrorism and violent extremism,” segun sa presidente.
Dugang pa sa pamuno-nasud nga ang direksyon nga latason sa Pilipinas sa umaabot pang mga katuigan mao ang aktibong partisipasyon sa tanang mga kalamboan sa Asia-Pacific Region.
“The Philippines’ destiny is in Asia,” panapos nga pamahayag ni Duterte kinsa nanganti usab nga motunol sa ciento por cientong asistinsiya diha sa kalamboan sa mga kanasuran sa entero rehiyon.
Usa usab sa gihulat karon ug maayo karon mao ang mensahe ni Chinese Premier Xi Jinping kinsa gilaumang mo-resbak usab kontra sa Estados Unidos kinsa unang nagpatuman sa ‘high tariff regulations’ diha sa mga produktong mosulod-gawas sa China.
RadyoMaN June Duterte
