Davao City- Nakigkoordinar na ang Task Force Davao sa Davao City Police Office kun DCPO ug Presidential Security Group kun PSG alang sa posibleng pagbisita ni Presidente Rodrigo Duterte sa Roman Catholic Cemetery ning syudad sa Davao diin asa gilubong ang iyang mga ginikanan nga si Nanay Soleng ug Kanhi Davao governor Vicente Duterte.
Kini ang gisulti ni TFD Commander Colonel Nolasco Mempin sa interview ni RadyoMaN Erin Lumosbog kaniya kaganina sa Maa Public Cemetery diin asa sila nagbantay sa kahapsay sa paghandum sa kalag-kalag.
Sumala ni Mempin, ang Presidente lang ang nahibalo kung unsa kini oras mubisita sa lubnganan sa iyang mga ginikanan apan andam kanunay ang TFD ug uban pang security forces kung muabot man ang pamuno-nasud sa Roman Catholic Cemetery.
Sa inisyal nga assessment sa TFD Commander sa tunga-tunga sa adlaw sa paghandum sa kalag-kalag, malinawon kini ug wala pa silay nadawat nga mga reklamo ug report kabahin sa mga kadudahang tawo ug butang nga posibleng magdalag kasamok sa syudad.
“Generally, peaceful naman and I think security measures being implemented here in Maa Cemetery and in all cemeteries here in Davao City, generally peaceful naman because so far we have not recieve any complain or reports regarding serious problem in any of the public including private cemeteries,” sigun ni Mempin.
RadyoMaN Erin Lumosbog
