Davao City – Gi-angkon ni Presidente Rodrigo Duterte nahimo nang kabahin sa sistema sa pulitika sa Pilipinas ang pagpamalit og boto kun vote buying.
Kini ang pamahayag sa pangulo atubangan sa media human kini niboto kagahapong adlawa sa 2019 midterm election sa Daniel R. Aguinaldo National High School dinhi sa syudad sa Davao.
Segun sa punong ehekutibo nga walay walay inosente sa pagpamalit og boto sa usa ka eleksyon.
“The practice of buying votes has been an integral part of an election in the Philippines. Walang hindi nagbibili ng boto dito, maniwala ka,” segun ni Duterte.
Saysay ni Duterte dagha’g pamaagi ang pagpamalit og boto dili lamang pinaagi sa kwarta. Dugang pa niini nga dili mawala ang maong sistema hangtud nga magpabiling pobre ang mga Pilipino ug magpadayon ang pagpangilkil sa mga komunista.
“For as the Philippines remains to be a poor country. For as long as the Feudal system exists. Naay mga rural areas aggravated by the communists. We are becoming poorer and poorer. Nobody can till the land, improve the land, and the communists are there asking for money, asking for food and everything,” saysay ni Duterte.
RadyoMaN Kirby Manzon
