Davao City – Giproklamar sa Commission on Elections (COMELEC) ang mga mananaog sa lokal nga mga posisyon sa Davao City sa City Board of Canvassers nga nahimutang sa Sangguniang Panlungsod.
Nagpabilin sa iyahang pwesto isip alkalde si incumbent Mayor Sara Duterte-Carpio kinsa nakakuha og 580,058 kontra sa iyahang nag-inusarang kaatbang nga si Magdaleno “Jun” Marcellones, sa boto nga 4,652
base kini sa Final and Official results sa COMELEC.
Giproklamang bise-alkalde sa lungsod si Sebastian “Baste” Duterte, unopposed nga adunay nakuhang 557, 769 ka boto.
Samtang, sa boto nga 197,024 alang sa pagka-kongresista sa 1st District gipildi ni
Paolo “Pulong” Duterte ang duha niini ka kontra nga sila Susana Uyanguren nga adunay 5,118 ka boto ug Rex Labis nga adunay 2,121.
Ang mga abogado sa tulo ka managsuong Duterte ang maoy nagsilbing mga representatives nila atol sa opisyal nga pagproklamasyon human wala kini makatambong.
Gikumpirma ni City Board of Canvassers chair Atty. Krisna Samantha Caballero nga giapruhan sa COMELEC head office ang motion nga i-lower ang thresold tungod sa depektibong SD card sa Davao City National High School hinungdan nga wala kini naka-transmit.
“We discussed na kahit ano pa rin naman ding gawin, 700 votes lang naman for that area hindi pa rin iyon makakaapekto,” sumala ni Caballero.
Midaog usab isip mga miyembro sa konseho sa unang distrito sila Mabel Acosta sa boto nga 170,755, gisundan ni Melchor Quitain Jr., nga adunay 161, 655, Kap Ibuyan sa boto nga 140,160, Militar Bonifacio nga adunay 133,780, Nilo Abellera nga adunay 122,680, Pilar Braga, Pamela Librado ug Jessica Bonguyan.
Ania usab ang kumpletong talaan sa mga nidaog sa 2nd ug 3rd Districts:
2ND DISTRICT
House of Representative:
Vincent Garcia- 174, 389
COUNCILORS:
Dayanghirang Danny- 123, 621
Mahipus Diosdado Jr.- 121, 201
Bonguyan Louie John- 120, 049
Abella Ralph- 106, 833
Campos Javi- 106, 042
Apostol Dante- 105, 219
Jostol Che Che-105, 110
Jonard Dayap- 95, 776
3RD DISTRICT
House of Representative
Isidro Ungab- 160,032
COUNCILORS:
Ungab Alberto-144, 120
Al-ag Nonoy-123,300
Villafuerte Mary Joselle-116, 378
Baluran Conde-114,603
Dalodo Ortiz Myrna- 113,798
Prinsipe Petite-112, 911
Zozobrado Jesus Joseph III- 104, 996
Advincula Sweet-100,526
Matud ni Caballero nalampasan nila ang ilahang target nga 1 week gikan sa pag-ihap kutob sa pagproklamar sa mga mananaog.
“We’ve gone it beyond. Scheduled iyan 1 week pero last 2016 we had it for 2-3 days atleast now, we’ve proclaimed it just 1 day,” sumala ni Caballero.
RadyoMaN Aimee Guinita
