Extended ang oras sang duty sang mga miyembro sang Provincial Security Unit sang South Cotabato umpisa sang Hulyo 10 tubtob 18 subong nga tuig para sa pagpatuman sang seguridad sa selebrasyon sang 20th T`nalak festival.
Suno kay PSU Operations Chief Richard Guintibano mahimo na nga 12 ka oras ang ila nga duty sa tanan nila nga post.
Ginpahayag niya man nga nagdugang man sila sang PSU members sa mga talatapan sang provincial government nga gamiton sa selebrasyon sang T`nalak Festival kapareho sang gym, Protech Center, Sports Complex kag iban pa.
Ginkumpirmar niya man nga indi sila magpatuman sang “no ID, no entry” sa mga event venues kundi magapatuman lang sila sang inspeksyon.
Samtang alas 8:00 subong nga aga ipatigayon ang ceremonial opening sang Trade Fair and Exhibit, pagkaalas 4:00 sang hapon ipatigayon naman ang Interfaith Thanksgiving celebration sa bahin sang South Cotabato Gymnasium and Cultural Center, alas 6:00 sang gab-i ceremonial lighting:spectacular lights display, pagkaalas 6:30 ceremonial opening sang T`nalak Food Garden,alas 7:30 ceremonial opening sang T`nalak Strip kag pagkaalas 8:00 sang gab-i ceremonial opening naman sang Agri-fair, Bahay Kubo kag Plants and Production Display.
