Magprograma live sa Barangay Puerto ang dxCC-RMN Cagayan de Oro ugmang adlawa sugod sa alas 7 hangtud alas 9 sa buntag.
Linawas nga makita sa katawhan ang mga anchors/ reporters sa estasyon atol sa maong kalihukan.
Sa dili pa ang live program, mga alas sais sa buntag, magpahigayon una ang dxCC-RMN og mga parlor games isip paghatag lingaw sa katawhan.
Matagaan usab og pagtagad ang mga concerns sa mga residente pinaagi sa pagpaabot niini ngadto sa mga opisyales sa Barangay Puerto.
Direkta usab nga mapaabot sa katawhan ngadto sa mga department heads sa City Hall ang mga concerns nga dili na kayang matubag o masolusyonan sa mga barangay officials.
Gi-andam na usab sa dxCC-RMN personnel ang mga ginagmayng pahalipay ingonman ang libreng snacks nga mahatag ngadto sa katawhan nga mosaksi sa programa.
Human sa live program, duna pay ihatag nga mga serbisyo ngadto sa katawhan uban ang mga department heads sa City Hall nga nangamdam na usab karong mga panahona.
Alayon niini, karon palang nagpasalamat na ang dxCC-RMN ngadto sa tibuok Barangay Council sa Puerto ilabina kang Kapitan Christian Rustico M. Achas sa pagwelcome niiini nga kalihukan.
