Davao City – Usa ka pulis ang giingong gibaharan nga patyon sa usa ka sakop sa Task Force Davao kinsa lango sa ilimnon human nalambigit sa vehicular accident nahitabo alas 4:17 sa hapon didto sa Sta. Ana Wharf siyudad sa Davao.
Sa report gikan sa Sta Ana Pnp ang police nga gihulgang patyon mao si Sr. Police Officer 3 Harold Gamutan, usa ka static post samtang ang suspek nga membro sa Task Force Davao nailang usa ka Crisole Cabanella, 51 anyos, nagpuyo sa Saint Mary St. Sto Niño Village, Brgy Centro Agdao ning syudad.
Matud pa samtang ang police nagtrabaho sa nahisgutang lugar giduol sa usa ka concerned citizen ug napakitabang gumikan kay adunay nahitabong vehicular accident rason nga daling giadtuan ug gisusi sa police angmaong insidente.
Sa dihang gipangitaan og lisensiya ang suspek gitunolan niini ang pulis og usa ka ATM card ug arroganteng gitudlo-tudlo ug gibaharan nga patyon niini ang complainant hinungdan daling nasikop ang suspek ug giturn-over sa Sta Ana Pnp.
Mag-atubang ang suspek sa kasong kalapasan sa traffic violation samtang ang kaso giduso na sa Traffic Investigation sa Sta Ana Pnp ug giimbestigahan na sa kapolisan pinaagi ni Police Officer 1 Amper ang imbestigador nga maoy naggunit sa kaso.
Ang suspek gikustodiya na sa maong buhatan.
RadyoMaN Don Pulayao
