Davao City-Angay nga mag aydentipika ang lokal nga panggamhanan sa syudad sa Dabaw og pay parking areas aron masulbad ang problema sa grabeng trapiko sa mga kadalanan.
Kini ang gisulti ni Land Transportation Office (LTO) XI regional director Atty. Gomer Dy atol sa pakighinabi sa DXDC RMN Davao.
Sumala ni Atty. Dy nga nag sugyot siya ngadto kang Davao City councilor Conrado Baluran, ang chairman sa Committee on Transportation and Communication, nga mas maayong dunay parking areas o lugar nga pwedeng mag park sa sakyanan bahala og bayran sa mga drayber aron dili na lisod ang pag park sa sakyanan ug mapugngan ang paghuot sa mga kadalanan.
Matud ni Dy nga gawas sa kakulang sa parking areas sa dakbayan, daghan sab ang iligal nga naga-park og sakyanan hinungdan sa traffic congestion.
Sa suhestyon ni Dy, one time lang ang pag proseso sa parking sticker diin human magpa-rehistro sa sakyanan, mag bayad lang sa lokal nga panggamhanan ang drayber aron maka-avail sa usa ka tuig nga prebilihiyo nga maka-park sa mga designated parking areas sa syudad.
Kasamang Merle Comidoy
