Davao City – Malagmit nga bunga kun resulta lamang sa usaka dysfunctional family ug pagbaton og sayo nga kahibalo labot sa pakighilawas ang sayo nga pagburos kon early pregnancy sa kabataang kababayen-an karon bisan pa man sa ilang linghod pa kaayo nilang pangedaron.
Segun ni Family Specialist Organization Member Pastor Mcronald De Pedro kinsa gradwado sa Master of Arts in Family Ministry sa Alliance Graduate School, ang absence sa lig-on nga pamilya usa sa dakung rason nganong nidaghan ang mga teenage pregnancies sa nasud.
Dugang ni De Pedro, usa usab ka dakung factor ang pagsaka-kanaug sa ekonomiya sa nasud nga naghatag og negatibong implikasyon sa kalig-on sa pamilya pinasikad sa ilang pagtoon sa sitwasyon sa pamilyang Pilipino ilabi ning panahon sa COVID-19.
Matud ni De Pedro, ang paglambo sa ekonomiya sa Pilipinas maayo kini sa rason nga mahatagan og trabaho ang mga magtiayon apan ang downside usab niini mao nga mapasagdan sa ginikanan ang ilang kabataan sanglit priority na man nila ang panginabuhian diin wala na unya sila’y igong panahon aron matudloan, magiyahan ug madisiplina kun mapanton ang ilang mga anak.
Hulagway usab ang early pregnancy sa kawalay lig-on nga relasyon sulod sa pamilya ug ang hilabihang ka-exposed sa kabataan diha sa social media nga nagtunol kanila ug negative influence sa mga butang nga angay lamang kalambigitan sa matured na ug kadtong anaa na sa kaminyoon.
Gikinahanglang balikan sa matag pamilya ang basic formula nga mao ang himsog nga pamilya kay daku kini og ikatabang aron mabitad palayo gikan sa sayo nga pagburos ang mga kabataan aron sa ingon matuldokan ang early pregnancy denhe sa atong nasud karon.
Gipasabot ni De Pedro nga dili lamang paghatag sa materyal ug maayo nga kahimtang sa pagpuyo ang gipangandoy sa mga kabataan apan labaw na sa tanan, ang pagtagbaw sa atensyon ug pagbati ngadto kanila diin kung mapakyas ang mga ginikanan sa pagtuman sa buluwanong responsibilidad, hayan mahitumpawak sa kaala-otan ang mga menor de edad.
“Ang early pregnancy, ‘yan ay isa sa mga indicators na tumataas din ang dysfunctional family…Seguro, dahil in the past years ang Pilipinas ay medyo tumaas yong ekonomiya but the downside naman nito nagkaroon ng sobrang busy (parents), so hindi maiwasan na may mga bagay na hindi naituturo nang maayos…Isa sa mga makakatulong sa buhay ng mga kabataan na hindi sila mahulog sa teenage pregnancy ay talagang ‘back-to- basic’ na mag-umpisa sa (kung) paano tiningnan ‘yong pamilya kaya ang early pregnancy, resulta lang siya, hindi siya ‘yong pinakaproblema na hindi na-resolve kaya nga nagbunga ng early pregnancies,” panapos ni De Pedro.
RadyoMaN Joel Viray
