CAPIZ – Isa ka Bike Ride for a Cause ang guinpatigayon sa Capiz sa pagpanguna sang Dystonia patient nga si Atty. JP Cuṅada sang banwa sang Pilar kaupod ang Capiz Cycling Club agud mapalapad ang ihibalo sang Capiznon natuhoy sa balatian nga Dystonia.
Katuyuan man sang nasambit nga lihok nga makatipon sang pondo nga igabakal sang Vial of Botox ukon Neuron ox para sa mapilian nga mga Dystonia patient. Ang isa ka vial ang makapahagan-hagan ukon makapugong sa pag-atake sang sakit sa sulod sang 3 ka bulan.
Naglab-ot sa 72 kilometro ang guinbisikleta sang grupo humalin sa boundary sang Aklan tubtob kapitolyo. Apang antes ini nagbisita si Cunada halin Metro Manila.
Suno kay Atty. Cuṅada ang Dystonia ang isa ka sahi sang balatian nga genetics nga nagatuga sang movement disorder rason nga indi mapunggan sang pasyente ang paghulag sang muscles. Pila sa mga sintomas sini amo ang Dragging leg, cramping of the foot, involuntary pulling of the neck , uncontrollable blinking kag speech difficulties nga indi matakuran ang kasakit.
Sa statistics nga guinhatag sang attending physician ni Cunada, sa 800 ka pasyente sang Dystonia 300 diri ang napatay. Sa 500 nga nabilin, 50% lamang diri ukon mas manubo pa ang naoperahan bangud sa tuman ka mahal nga operasyon nga nagabalor sang masubra P2,000,000.
Tubtob sa karon wala pa sang direkta nga bulong nga makapaayo sa Dystonia kag nagaisahanon lamang nga pamaagi agud mapahaganhagan ini amo ang pagpaidalom sa operasyon kag botox.
Handa naman nga maghatag suporta ang Gobierno probinsyal sang Capiz sa pagpamuno ni Governor Tony del Rosario sa mga pasyente sang Dystonia. Pinaagi sa Aksyon Agad Community Affairs Office nga guinapamunuan ni Executive Assistant II Pepe del Rosario.
(c) Capiz Aksyon News Center
DYSTONIA | Bike Ride for a Cause, guinpatigayon agud mapalapad ang ihibalo sang mga Capiznon natuhoy sa balatian nga Dystonia
Facebook Comments
