Posibleng sa dili madugay undangon na sa gobyerno ang Enhanced Comprehensive Local Integration Program kon E-CLIP alang sa mga miyembro sa New Peoples Army nga mutahan sa gobyerno.
Sa interview sa RMN Malaybalay ngadto kang BGen. Edgardo de Leon ang commander sa 403rd Infantry Brigade, Philippine Army gibutyag niini nga nagbuhi na ug pahayag si Pangulong Rodrigo Duterte nga posibleng undangon na ang ECLIP kon ang mga benepisyo nga gitanyag alang sa mga NPA nga mosurender.
Alayon niini, gi-awhag ni Gen. de Leon ang uban pang miyembro sa NPA nga musurender na ug dali samtang wala pa kini hingpit nga giwala sa gobyerno ug aron dili mag-antos sa kabukiran.
Matud sa heneral nga sa oras nga walaon na ang ECLIP dili na sila mudawat ug mga miyembro sa NPA nga motahan.
Gibida usab sa AFP Commander ang kadaghan sa mga nitahan nga nakadawat ug benepisyo.
Aduna pa matud pay uban nga gisuroy sa Hongkong, ug uban nagpaabot na lang nga mahuman na ang housing nga gihimo alang sa mga rebel returnee.
Sayang matud pa kung dili na ma-abtan ang mga benepisyong gitanyag ilawom sa programa ECLIP sa livelihood, maong nanawagan si Gen. De Leon niadtong nagpabilin pa sa pakigbisog sa kabukiran nga musurender na.
