E. Samar Acting Gov. Picardal, gintudlok nga chairman han PDP Laban ha probinsya

131

EASTERN SAMAR – Gintudlok han Partido Demokratiko Pilipino o kun PDP Laban hi Eastern Samar Acting Governor Marcelo Ferdinand Picardal kumo Chairman han PDP Laban ha mao nga probinsya.

Sumala kan Atty. Lutgardo Barbo, Vice-President han PDP Laban Visayas, hi Acting Governor Picardal an napili nira nga Chairman han PDP Laban Eastern Samar kay hiya iton pinaka-syahan ha nagpa-myembro ha partido PDP ha mao nga probinsya.


“Damo nga rason hano, usa nga pinaka-importante nga rason hiya an una nga magmyembro han PDP Laban, last year umatender ini hiya han Basic Membership Seminar. An BMS, kinahanglan nimo hibaruan kun ano an partido politikal ha PDP Laban.”

Sumala naman kan Eastern Samar Acting Governor ngan PDP Laban Chairman Picardal, dako ini nga responsabilidad nga iginhatag ha iya han partido PDP Laban.

“Well syempre nalilipay kita nga gintagan kita hin pagtapod han partido han PDP Laban. Kaupod hini nga excitement syempre an agam-agam iton responsabilidad nga dako kumo Chairman han partido dinhi ha Eastern Samar. Maniniguro kita nga mai-deliver naton ini para han kadaugan hit aton partido.”

Dugang ni Picardal, abri an PDP Laban Eastern Samar para hadton mga public officials ha mao nga probinsya nga bumalhin hin partido pero kinahanglan daw magsunod han prinsipyo ngan diri magpaka hino-hino nga politiko han Eastern Samar.

Facebook Comments

From Advertisers