Eaeaki arestado matapos nga madakpan it baril

Kalibo, Aklan – Magapangatubang it kasong pagbayolar sa RA 10591 ukon Comprehensive Law of Firearms and Ammunitions rong sangka eaeaki matapos nga madakpan it baril kahapon sa checkpoint sa Mabini St., Kalibo, Aklan.
Rong suspek nakilaea kay Joefry Magno, 42-anyos ag residente it Mabilo, Kalibo.
Sa report it Kalibo PNP nga kahapon samtang nagapatigayon sanda it checkpoint hay nakit-an it mga pulis rong suspek halin sa D. Maagma ag tumabok sa sangka food chain nga may ginbakae sa may drive thru.
Ginsita ra imaw sangka pulis pero uwa nana raya pagsapaka pero imaw ra ginsundan.
Gintinguhaan it suspek nga abandonahon ro anang baril sa estante it drive thru pero imaw nakit-an ag gin aresto.
Na recover do baril nga sangka homemade 38 revolver ag loaded it 6 ka bala.
Gin-ako man it suspek nga ana rong baril pero uwa it may ginpakita nga papeles.

Facebook Comments