Eaeaki, arestado sa pagdaea-daea it baril

Kalibo, Aklan – Arestado rong sangka eaeaki matapos nga makit-ang may daeang baril kahapon sa Brgy. Andagao, Kalibo, Aklan.
Ro suspek nakilaea kay Randy Reyes, 46-anyos ag residente man it nasambit nga lugar.
Sa blotter report it Kalibo PNP nga kahapon nakabaton sanda it tawag halin hay Helbert Sioco rong caretaker sa Brgy.Hall it Andagao nga may una nga sangka eaeaki nga may daeang baril.
Sa pag-imbestiga, nga rayang suspek hay naki join sa ginhiwat nga Christmas Party it barangay.
Ko ulihi imaw ra hay ginhinyo it Barangay Tanod nga si Prudencio Mabini nga kon pwede hay mag uli eon hay hilong. Nagpati mat-a rong suspek pero naghambae pa raya it mga tinaga nga “Hueata ninyo ako ay balikan ko kamo”.
Makataliwan ro pilang minuto hay bumalik rong suspek sakay it anang motorsiklo ag nakita nga may ginabuytan sa anang hawak nga uwa masayuri nga calibre it armas.
Natigayon imaw nga madumog ko pila ka mga miyembro it barangay tanod ag ko ulihi na recover sa suspek rong home made calibre 38 ag may tatlo ka bala it 9mm.
Sa makaron hay detained sa lock up cell it Kalibo PNP si Reyes ag magapangatubang it kasong pagbayolar sa RA 10591 ukon Comprehensive Law on Firearms and Ammunitions.

mmmm.pptx