Lakewood, Zamboanga del Sur -Nakaplagang wala nay kinabuhi ang usa ka lalaki human naghikog gamit ang usa ka bakus nga gihikot sa iyang liog alas 9:00 ang takna kagabie sa Purok 4, Brgy Biswangan, Lakewood, Zamboanga del Sur.
Ang biktima mao si Arnel Tambalihol Liganan, 43 anyos, ulitawo, grass cutter operator ug residente sa Purok 4, Brgy. Biswangan Lakewood ZDS.
Nagbitay na sa kwarto ang biktima hikot ang bakus sa iyang liog sa dihang nakit-an sa iyang inahan nga si Candelaria Tambalihol Liganan, 83 anyos, balo, walay trabaho ug residente sa naasoyng dapit.
Love triangle ang nakitang motibo sa kaso tungod sa usa ka babaye nga gitoohang nakarelasyon sa biktima sa Malangas, Zamboanga Sibugay. Base sa mensahe nga nakaplagan sa iyang cellphone nag-ingon nga “_Hoi baboy ayaw bogaa.en asawa ko. Ha bangkaw mabaya mabuhi paha. Ako en bana, ne aisa”. _Mao kini ang text nga nadawat sa biktima sa wala pa ang maong insidente.
